6 bosqichli suv filtri: nima uchun kerak va qanday ishlaydi

Samarqand suvida ohak va tuzlar ko'p — bu choynak devoridagi qasmoqdan tortib, buyrak toshigacha muammolarga olib keladi. 6 bosqichli teskari osmos filtri suvni deyarli distillangan darajagacha tozalab, keyin foydali minerallar bilan boyitadi.

Har bir bosqich nimani tozalaydi

1-bosqich qum va zangni ushlaydi, 2–3-bosqich uglerod kartridjlari xlor va organik moddalarni yutadi, 4-bosqich — osmotik membrana — og'ir metallar, tuzlar va bakteriyalarni 99% gacha to'sadi, 5-bosqich ta'mni yaxshilaydi, 6-bosqich mineralizator esa suvga kaltsiy va magniy qaytaradi.

Oddiy filtrdan farqi nimada?

Kuvshin-filtrlar va oddiy oqimli filtrlar faqat mexanik iflosliklar va xlorni ushlaydi — tuzlar va og'ir metallar suvda qoladi. Teskari osmos esa suvni molekula darajasida tozalaydi. Shuning uchun aynan RO tizimlari ichimlik suvi uchun oltin standart hisoblanadi.

Qayerga o'rnatish mumkin?

Tizim oshxona mojkasi ostiga ixcham joylashadi va alohida jo'mrak orqali suv beradi. Ofis, maktab va choyxonalar uchun unumdorligi yuqoriroq modellar mavjud. O'rnatish 2–3 soat vaqt oladi.

BMS Group filtrlarni 1 kunda o'rnatadi va kartridj almashtirish xizmatini ham taklif qiladi. Katalogdagi AQUA STREAM RO-6 — eng ommabop modelimiz.