Uy uchun suv nasosini qanday tanlash kerak?

Noto'g'ri tanlangan nasos — bu ortiqcha xarajat, past bosim va tez-tez ta'mirlash degani. Bu maqolada uy va hovli uchun nasos tanlashda e'tibor beriladigan asosiy mezonlarni ko'rib chiqamiz.

1. Suv manbai turini aniqlang

Skvajina uchun — vintli yoki markazdan qochma suv osti nasoslari, quduq uchun — suv osti yoki sirt nasoslari, iflos suv va yerto'la uchun esa drenaj nasoslari ishlatiladi. Manba noto'g'ri aniqlansa, nasos tez ishdan chiqadi.

2. Ko'tarish balandligini hisoblang

Ko'tarish balandligi = skvajina chuqurligi + uygacha masofaning 1/10 qismi + bino balandligi + 20% zaxira. Masalan, 30 m chuqurlik va 2 qavatli uy uchun kamida 45–50 m ko'tarishli nasos kerak.

3. Suv sarfini baholang

O'rtacha oila (4–5 kishi) uchun 2–3 m³/soat unumdorlik yetarli. Hovlida sug'orish bo'lsa, yana 1–2 m³/soat qo'shing. Ortiqcha quvvatli nasos olish shart emas — u qimmat turadi va ko'p energiya sarflaydi.

4. Himoya funksiyalariga e'tibor bering

Quruq ishlashdan himoya — majburiy funksiya: suv tugaganda nasos avtomatik o'chadi va motor kuyishdan saqlanadi. Kuchlanish o'zgarishidan himoya ham O'zbekiston sharoitida juda foydali.

Qaysi nasos aynan sizning ob'ektingizga mos kelishini bilmoqchimisiz? BMS Group muhandisiga qo'ng'iroq qiling — bepul konsultatsiya beramiz va joyiga chiqib o'lchov olamiz.