Better Best — poytaxtdagi yirik qurilish kompaniyalaridan biri. «Almaz Tower» majmuasining suv ta'minoti stansiyasini ular bizga ishonib topshirishdi. Bu loyihada asosiy talab ishonchlilik edi — 200 ta oila bir daqiqa ham suvsiz qolmasligi kerak.
Obyekt haqida
«Almaz Tower» — Better Best qurgan 16 qavatli premium-sinf turar-joy majmuasi. U Toshkentning Yashnobod tumanida, «Rohat» metro bekati yaqinida joylashgan, unda 200 ta xonadon bor. Bunday balandlikdagi binoda suv yuqori qavatlarga shahar tarmog'i bosimi bilan chiqmaydi — doimiy ishlaydigan bosim oshirish stansiyasi kerak.
Qanday yechim berdik
Stansiyani maksimal zaxira bilan loyihaladik: har bir ishlayotgan nasos uchun bitta zaxira nasos. To'rtta nasos suvni uzatadi, yana to'rttasi istalgan vaqtda ularning o'rnini egallashga tayyor turadi. Boshqaruv kaskad usulida: sarf kam bo'lganda bitta nasos ishlaydi, sarf oshgani sari qolganlari navbat bilan ulanadi.
SHIMGE BLT 32-4 — vertikal ko'p bosqichli nasoslar, 8 ta (4 ishchi + 4 zaxira)
SAJ PDH chastota invertori — kaskad boshqaruv
BMS kollektori va membranali bak
«Almaz Tower» — Better Best majmuasi, Yashnobod tumani
Ikki oyda, belgilangan kunda
Buyurtma 2024-yil 15-noyabrda qabul qilindi, besh kundan so'ng yig'ish boshlandi. Stansiya ustaxonada yig'ilib, sinovdan o'tkazildi va 2025-yil 16-yanvarda — kelishilgan kunning o'zida — topshirildi. Bugun «Almaz Tower»ning 200 ta xonadoni BMS stansiyasi orqali suv olmoqda, stansiya 24 oylik kafolatga ega.
«Almaz Tower» majmuasi
Sizning obyektingiz uchun ham stansiya yig'ib beramiz
Obyekt haqida qisqacha yozing — hisob-kitob va tijorat taklifini tayyorlab, 15 daqiqa ichida bog'lanamiz
Bajarilgan loyiha
Bajarilgan loyiha
Bajarilgan loyiha